368.59
Ոչ թե վիրավոր քաղաքացին է գալու նախարարություն, այլ նախարարությունն ինքն է գնալու կարիքները գնահատելու. վարչապետ
1 րոպեի ընթերցում
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Կառավարությունը փոփոխություններ կատարեց բժշկասոցիալական կարգում: Ինչպես փոխանցում է «Արմենպրես»-ը, Աշխատանքի և սոցիալական հարցերի նախարար Մեսրոպ Առաքելյանը կառավարության նիստում նշեց, որ նախագիծը վերաբերում է վիրավոր զինվորներին կամ քաղաքացիական անձանց աջակցող միջոցներ տրամադրելուն:
Ըստ նրա, գործող կարգով, մասնավորապես, աջակցող սարքեր՝ սայլակ, քայլակ ստանալու համար հաշմանդամության խումբ պետք է ունենար քաղաքացին, իսկ բուժումը ավարտելուց հետո է տեղի ունենում կարգի տրամադրումը, հիմա փոփոխությամբ հնարավորություն է տրվում առանց այդ խմբի տրամադրման գործընթացը ավարտելու տալ այդ սարքերը:
Վարչապետ Նիկոլ Փաշինյանն ընդգծեց. «Փոփոխությամբ նաև ոչ թե կարիք ունեցող քաղաքացին է գնում,գալիս կառավարություն կամ նախարարություն, նախարարությունն ինքն է գնում, կարիքները գնահատում, ժամանակին այս թեմայով քննարկում ենք ունեցել»:
Բաժանորդագրվեք մեր ալիքին Telegram-ում