1 րոպեի ընթերցում
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Հայկական ֆուտբոլի լեգենդ, Հայաստանի. 20-րդ դարի լավագույն ֆուտբոլիստ Խորեն Հովհաննիսյանը տոնում է ծննդյան 66-ամյակը:
Խորեն Հովհաննիսյանը ծնվել է 1955 թվականին Երևանում: Ֆուտբոլային կարիերան սկսել է 1973 թվականից Երևանի «Արարատ»-ում: Հանդես է եկել «Արարատ», «Իսկրա», «Պախտակոր», «Կիլիկիա», «Փյունիկ» թիմերում: Խորհրդային Միության երիտասարդական թիմի կազմում դարձել է Եվրոպայի երիտասարդական առաջնության հաղթող, իսկ 1980 թվականին` Օլիմպիական խաղերի բրոնզե մեդալակիր: Մարզչական կարիերայի ընթացում Հովհաննիսյանն աշխատել է «Տավրիա», «Հոմենընդմեն», «Կիլիկիա», «Փյունիկ» և Տաշքենդի «Լոկոմոտիվ» ակումբներում: 1996-97 թվականներին եղել է Հայաստանի ֆուտբոլի ազգային թիմի գլխավոր մարզիչ:
«Արմենպրես» լրատվական գործակալությունը շնորհավորում է հայկական ֆուտբոլի լեգենդար ֆուտբոլիստին` մաղթելով անսպառ եռանդ և երկարակեցություն։
Հովհաննիսյանին ծննդյան օրվա առթիվ շնորհավորել է նաև Հայաստանի ֆուտբոլի ֆեդերացիան և հայկական մի շարք ակումբներ: