«Նեմրա» խմբի մենակատարը յուրովի է մեկնաբանել Ջոն Լենոնի հայտնի երգը

ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: «Նեմրա» ռոք խմբի մենակատար Վանը, որը պարբերաբար երկրպագուներին է ներկայացնում հանրահայտ ստեղծագործությունների քավր տարբերակներ, այս անգամ անդրադարձել է Ջոն Լենոնի «Սեր» (Love) երգին:

«Արմենպրես»-ի հաղորդմամբ՝ Վանը երգը հրապարակել է «Ֆեյսբուք»-ի իր պաշտոնական էջում և մարդկանց հորդորել սիրել միմյանց:

«Սեր, սեր, սեր»,-գրել է նա:

«Սեր» (Love) երգի հեղինակը Ջոն Լենոնն է: Երգը թողարկվել է 1970 թվականին՝ ընդգրկվելով Լենոնի Plastic Ono Band սոլո ալբոմում: