Հին Թաղերի և Խծաբերդի տարածքից հայ զինծառայողների դուրս բերման տեսանյութն իրական է. ՀՀ ՊՆ
1 րոպեի ընթերցում
![Հին Թաղերի և Խծաբերդի տարածքից հայ զինծառայողների դուրս բերման տեսանյութն իրական է. ՀՀ ՊՆ](http://armenpress.am/resized/480/static/news/b/2020/12/1038047.jpg)
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Համացանցում վերջին ժամերին տարածվում է տեսանյութը, թե ինչպես է հայ զինծառայողների մի խումբ դուրս բերվում շրջափակումից Հադրութի շրջանի Հին Թաղեր և Խծաբերդ գյուղերի տարածքից, համապատասխանում է իրականությունը։ «Արմենպրես»-ին այս մասին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից։
«Գործողությունն իրականացվել է Արցախի Հանրապետությունում խաղաղապահ առաքելություն իրականացնող ՌԴ խաղաղապահ զորախմբի գործուն քայլերի շնորհիվ և զորախմբի հրամանատար, գեներալ-լեյտենանտ Ռուստամ Մուրադովի անմիջական միջնորդությամբ»,- ասվում է հաղորդագրության մեջ: