396.83
«Իմ քայլը» խմբակցության պատգամավորը որևէ փուլում չի բացառում արտահերթ ընտրությունների անցկացումը
1 րոպեի ընթերցում
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովի «Իմ քայլը» խմբակցության պատգամավոր Նազելի Բաղդասարյանը որևէ փուլում չի բացառում արտահերթ ընտրությունների անցկացումը: «Արմենպրես»-ի փոխանցմամբ՝ այս մասին Բաղդասարյանն ասաց խորհրդարանում լրագրողների հետ զրույցում:
«Վարչապետի հրապարակած ճանապարհային քարտեզում կա կետ և՛ կուսակցությունների մասին օրենքի, և՛ ընտրական օրենսգրքի վերաբերյալ: Օրենսգրքի փոփոխության հետ կապված աշխատանքները սկսվել են դեռ 2019թ. ամռանը: Կան հարցեր, որոնց վերաբերյալ դեռ պետք է որոշումներ կայացնել: Սա տրամաբանական գործողությունների ընթացք է: Մենք չենք բացառում որևէ փուլում արտահերթ ընտրությունների անցկացումը»,- ասաց Բաղդասարյանը:
Խորհրդարանական և արտախորհրդարանական ընդդիմադիր կուսակցությունները պահանջում են ՀՀ վարչապետի հրաժարականը և արտահերթ խորհրդարանական ընտրությունների անցկացում:
Բաժանորդագրվեք մեր ալիքին Telegram-ում