398.74
Ֆրանսիան կշարունակի մարդասիրական օգնություն ցուցաբերել Արցախին և տեղահանված ընտանիքներին
1 րոպեի ընթերցում
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիան կշարունակի մարդասիրական օգնություն ցուցաբերել պատերազմի հետևանքով տուժած Արցախին և տեղահանված ընտանիքներին: «Արմենպրես»-ի փոխանցմամբ՝ այս մասին հայտնում է Սփյուռքի գլխավոր հանձնակատարի գրասենյակը:
«Գլխավոր հանձնակատար Զարեհ Սինանյանը հանդիպեց ՀՀ-ում Ֆրանսիայի արտակարգ և լիազոր դեսպան Ջոնաթան Լաքոթի հետ: Քննարկվեց Արցախին և տեղահանված ընտանիքներին Ֆրանսիայի և ֆրանսահայ համայնքի կողմից տրամադրվող աջակցությունը: Հանդիպման ընթացքում անդրադարձ կատարվեց պատերազմի ողջ ընթացքում Ֆրանսիայի և ֆրանսիացի ժողովրդի կողմից Արցախին և հայ ժողովրդին ցուցաբերված համերաշխությանը: Դեսպանը վերահաստատեց, որ Ֆրանսիան կշարունակի ցուցաբերել մարդասիրական օգնություն, և անդրադարձավ նաև երկկողմ հարաբերությունների առավել խորացմանը»,- հայտնում է Սփյուռքի գլխավոր հանձնակատարի գրասենյակը:
Դեկտեմբերի 12-ին Երևան է ժամանել Ֆրանսիայի կողմից վարձակալված երրորդ մարդասիրական ինքնաթիռը:
Բաժանորդագրվեք մեր ալիքին Telegram-ում