Մշակույթ

Կյանքից հեռացել է ՀՀ վաստակավոր արտիստ Զավեն Աբրահամյանը

2 րոպեի ընթերցում

ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ:Կյանքից հեռացել է ՀՀ վաստակավոր արտիստ, Երևանի պատանի հանդիսատեսի և Հ. Պարոնյանի անվան երաժշտական կոմեդիայի պետական թատրոնների դերասան Զավեն Աբրահամյանը:

«Արմենպրես»-ի հաղորդմամբ՝ այս մասին հաղորդագրություն է հրապարակվել Հ. Պարոնյանի անվան թատրոնի «Ֆեյսբուքի» պաշտոնական էջում:

Զավեն Աբրահամյանը ծնվել է 1948 թվականի օգոստոսի 13-ին Երևանում: Հիմնականում աշխատելով Երևանի Պատանի հանդիսատեսի թատրոնում՝ նա երաժշտական կոմեդիայի թատրոն է գնացել որպես կազմակերպված ու արդեն կայացած դերասան և անմիջապես ընդգրկվել ներկայացումներում:

«Հետաքրքիր դերասան է նա. հանդարտ է, կշռադատված, մտածող, խոհական, չափազանց երաժշտական, ուրեմն և երջանիկ ճակատագիր պիտի սպասվեր նրան այս թատրոնում` գլխին թափվող դերերի «անձրև» »,-ասվում է Երաժշտական կոմեդիայի պետական թատրոնի կայքէջում:

Այս թատրոնում Աբրահամյանը խաղացել է «Սեր, մինչ ի մահ», «Հյուրանոցի տիրուհին», «Խանումի արարքները», «Խելահեղ օր», «Քաջ Նազարի վերջին օրը», «Տեր, մի թող մեզ անտեր», «Խաթաբալա», «Տասներկուերորդ գիշեր» և այլ ներկայացումներում, իսկ Պատանի հանդիսատեսի թատրոնում՝ «Մանչուկն ու Կառլոսը», «Եղիցի Երկիր», «Տեր, մի թող մեզ անտեր», «Ես մարդ եմ», «Ատամնաբույժն արևելյան», «Ոչինչից մեծ աղմուկ» բեմադրություններում:

Հայերեն Русский

Արտակ Զեյնալյանն ընտրվեց Սահմանադրական դատարանի դատավոր

ՄԻՊ ներկայացուցիչները ՀՀ ԱՆ «Արմավիր» քրեակատարողական հիմնարկում տեսակցել են Սամվել Կարապետյանին

Ուկրաինայի հետ զոհվածների մարմինների փոխանակումը բանակցությունների հաջորդ փուլի թեմա է. Պեսկով

Պուտինը Սի Ծինփինի հետ քննարկել է իրադրությունը Մերձավոր Արևելքում

Գերությունից վերադարձել են մի խումբ ռուսաստանցի զինծառայողներ. ՌԴ ՊՆ

Ֆինլանդիայի խորհրդարանը հավանություն է տվել հակահետևակային ականների արգելման մասին կոնվենցիայից դուրս գալուն

Եղիազար Վարդանյանն ու Աբդուլքարեմ Ութավին քննարկել են քաղաքաշինության ոլորտում Հայաստան-Իրաք համագործակցության հնարավորությունը

Հայաստանի և Ադրբեջանի տարածքներով Իրանից դուրս է եկել Ռուսաստանի շուրջ 550 քաղաքացի

Իրանի հրթիռակոծության հետևանքով  վիրավորների թիվն աճել է

Մեր զարգացման տեսլականով Հայաստանի ու Վրաստանի շահերը համընկնում են. Արայիկ Հարությունյան