ՊՆ-ն հերքում է Ֆիզուլի քաղաքին և շրջակա գյուղերին «Սմերչ» համակարգից հարվածելու ադրբեջանական սուտը
1 րոպեի ընթերցում
![ՊՆ-ն հերքում է Ֆիզուլի քաղաքին և շրջակա գյուղերին «Սմերչ» համակարգից հարվածելու ադրբեջանական սուտը](http://armenpress.am/resized/480/static/news/b/2020/11/1033712.jpg)
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Պաշտպանության նախարարությունը անհեթեթություն է համարում ադրբեջանական կողմի այն պնդումը, թե իբր ՀՀ Զինված ուժերը «Սմերչ» համակարգից կրակի տակ են առել Ֆիզուլի քաղաքը և շրջակա գյուղերը: «Արմենպրես»-ի փոխանցմամբ` այս մասին «Ֆեյսբուք»-ի իր էջում գրել է ՊՆ մամուլի խոսնակ Շուշան Ստեփանյանը:
«Ադրբեջանական կողմի հայտարարությունը, թե, իբր, ՀՀ ԶՈւ-ն Ֆիզուլի քաղաքը և շրջակա գյուղերը կրակի տակ է առել «Սմերչ» համազարկային կրակի ռեակտիվ համակարգից, անհեթեթություն է»,- գրել է Ստեփանյանը:
Մամուլի խոսնակը հավելել է, որ Հայաստանի տարածքից նշված ուղղությամբ որևէ տիպի կրակ չի վարվել: