396.54
Ադրբեջանի հրապարակած ցուցակը հայկական կողմի զոհված զինծառայողների մասին կեղծ է
1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանական հաքերները հրապարակել են հայկական կողմի՝ իբր զոհված զինծառայողների կեղծ ցուցակ՝ փորձելով հոգեբանական ճնշում գործադրել հասարակության վրա և կասկածներ սերմանել: «Արմենպրես»-ի հետ զրույցում այս մասին ասաց Տեղեկատվական անվտանգության փորձագետ Սամվել Մարտիրոսյանը:
«Ռազմական դրության ժամանակ, բարեբախտաբար, փակ է ընտրողների ռեգիստրը, սակայն երկար տարիներ ոստիկանության կայքէջում ֆայլերով տեղադրվել են ընտրողների ցուցակները: Կարելի էր ամբողջ բազան ներբեռնել և օգտագործել: Պարզ է, որ ադրբեջանցիները նույնպես ներբեռնել են և հիմա այդ բազան ինչպես կցանկանան, կօգտագործեն»,- ասաց Մարտիրոսյանը:
Տեղեկատվական անվտանգության փորձագետը նշեց, որ Ադրբեջանը կոտրած հայկական ալիքներով և մեկնաբանություններում տարածում է այդ կեղծ ցուցակները:
Բաժանորդագրվեք մեր ալիքին Telegram-ում