2 րոպեի ընթերցում
ՍՏԵՓԱՆԱԿԵՐՏ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Հակառակորդը կրկին հարվածներ է հասցրել Ստեփանակերտին: Այս մասին հայտնում է«Արմենպրես»-ի թղթակիցը: Գրանցվել է մոտ երեք-չորս հարված, օդային տագնապի ազդանշանը միացված է:
22:09 -«Ադրբեջանն այսօր առաջին անգամ ծանր հրթիռներով քիչ առաջ հարվածել է Ստեփանակերտին: Նրանք շարունակում են թիրախավորել քաղաքացիական օբյեկտները, այն դեպքում, երբ միջազգային հանրությունը շարունակում է դատարկ կոչերն ու հայտարարությունները»,- «Թվիթեր»-ի իր միկրոբլոգում գրել է Արցախի մարդու իրավունքների պաշտպան Արտակ Բեգլարյանը:
#BREAKING!#Azerbaijan just now struck #Stepanakert with heavy missiles for the first time today. They continue targeting civilian objects, while intl community continues empty calls & statements.#DontBeBlind #RecognizeArtsakh
— Artak Beglaryan (@Artak_Beglaryan) October 16, 2020
22:21 -«Արմենպրես»-ի թղթակիցը Ստեփանակերտից հայտնում է, որ այս պահին օդային տագնապի ազդանշանն անջատվել է: Նախնական տեղեկություններով՝ հարվածը հասցվել է մայրաքաղաքի արվարձաններից մեկին: Այս պահին իրավիճակը հանգիստ է:
22:33 - Հայկական միասնական տեղեկատվական կենտրոնը հայտնում է, որ հրթիռակոծության հետևանքով զոհվել է Շոշ համայնքի խաղաղ բնակիչ: Հրետակոծվել է նաև Մարտակերտ քաղաքը:
23:01 -Տուժածների ու վնասների մասին տվյալները ճշտվում են։
00:15 -Ճշգրտված տվյալների համաձայն՝ Շոշ համայնքի բնակիչը ոչ թե զոհվել է, այլ վիրավորում է ստացել։