ՀՀ ՊՆ-ն հերքում է Ազգային հերոս Ռուբեն Սանամյանի զոհվելու մասին ադրբեջանական կեղծիքը
1 րոպեի ընթերցում
![ՀՀ ՊՆ-ն հերքում է Ազգային հերոս Ռուբեն Սանամյանի զոհվելու մասին ադրբեջանական կեղծիքը](http://armenpress.am/resized/480/static/news/b/2020/10/1031580.jpg)
ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ պաշտպանության նախարարությունը հերքում է ՀՀ Ազգային հերոս Ռուբեն Սանամյանի զոհվելու մասին ադրբեջանական կեղծիքը՝ հրապարակելով այն մերկացնող տեսանյութ:
«Ադրբեջանական քարոզչամեքենան վաղ առավոտից տեղեկություններ է տարածում, թե իբր զոհվել է Հայաստանի Հանրապետության Ազգային հերոս Ռուբեն Սանամյանը։
Այդ լուրն ամենաիսկական ցնծություն է առաջացրել հակառակորդի զինված ուժերում։ Ադրբեջանական լրատվամիջոցները հրճվանքով տարածում են այն՝ ներկայացնելով դա որպես իրենց հաղթանակների վկայություն։
«Զինուժ մեդիան» քիչ առաջ, ռազմաճակատի ամենածանր ուղղություններից մեկում, զրուցել է կապիտան Սանամյանի հետ, ով ողջ և առողջ է և, ինչպես միշտ փայլուն կերպով կատարում է իր առջև դրված մարտական խնդիրները։ Կապիտան Սանամյանը բողոքում էր, որ «կտրում ենք իրեն գործից»»,- «Արմենպրես»-ի հաղորդմամբ՝ նշում է ՊՆ խոսնակ Շուշան Ստեփանյանը։