Քոչարյանի և մյուսների գործով դատական նիստը հետաձգվել է Սեյրան Օհանյանի Արցախում լինելու պատճառով
1 րոպեի ընթերցում
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ երկրորդ նախագահ Ռոբերտ Քոչարյանի և մյուսների գործով սեպտեմբերի 29-ին ժամը 13:00-ին նշանակված դատական նիստը հետաձգվել է:
«Արմենպրես»-ի հաղորդմամբ՝ այս մասին Քոչարյանի փաստաբանական թիմին հայտնել են նիստը նախագահող դատավոր Աննա Դանիբեկյանի աշխատակազմից։
«Ըստ տեղեկության, նման որոշման հիմք է եղել միայն Սեյրան Օհանյանի պաշտպան Կարեն Մեժլումյանի դիմումն այն մասին, որ սահմանային լարվածության այս օրերին գեներալ-գնդապետ Օհանյանը գտնվում է Արցախի Հանրապետությունում»,- հայտնում են փաստաբանական թիմից։
Հաջորդ դատական նիստի օրվա և ժամի վերաբերյալ կտրվի լրացուցիչ տեղեկություն։