Քաղաքականություն

Հայաստանը ԼՂ հակամարտության սրման հետ կապված չի դիմել ՀԱՊԿ-ին. Զայնետդինով

2 րոպեի ընթերցում

ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանը չի դիմել Հավաքական անվտանգության պայմանագրի կազմակերպության (ՀԱՊԿ) քարտուղարությանը ՝ կապված Լեռնային Ղարաբաղում հակամարտության սրման հետ: Ինչպես տեղեկացնում է «Արմենպրես»-ը, այս մասին ՏԱՍՍ-ին ասել է ՀԱՊԿ մամուլի քարտուղար Վլադիմիր Զայնետդինովը:

«Այս պահին ՀԱՊԿ քարտուղարությունը Հայաստանից որևէ դիմում չի ստացել: Մենք միշտ հանդես ենք եկել հակամարտության խաղաղ կարգավորման օգտին: ԵԱՀԿ Մինսկի խմբի համանախագահների հովանու ներքո բանակցային գործընթացը համարվում է Լեռնային Ղարաբաղի հակամարտության կարգավորման միջազգայնորեն ընդունված մեխանիզմ», - ասել է ՀԱՊԿ-ի մամուլի քարտուղարը:

Սեպտեմբերի 27-ի վաղ առավոտյան շփման գծի ողջ երկայնքով Ադրբեջանն ակտիվ հրետակոծություն է սկսել: Հրետակոծվում են նաև խաղաղ բնակավայրերը, այդ թվում մայրաքաղաք Ստեփանակերտը: Բնակչությանը կոչ է արվել պատսպարվել: Ստեփանակերտը հայտարարել է, որ պատասխանը լինելու է համաչափ, և իրավիճակի ողջ պատասխանատվությունը կրում է Ադրբեջանի ռազմաքաղաքական ղեկավարությունը և անձամբ Իլհամ Ալիևը: Պաշտպանության բանակի ստորաբաժանումները, կիրառելով հակաօդային պաշտպանության միջոցներ, կարողացել են խոցել 3 ուղղաթիռ, շուրջ 20 ԱԹՍ, այդ՝ թվում հարվածային, 30 տանկ և հետևակի մարտական մեքենաներ: Մարտերը շփման գծի ողջ երկայնքով շարունակվում են։ Պաշտպանության բանակը հուժկու հարվածներով կասեցնում է հակառակորդի գործողությունները։ Արցախի խաղաղ բնակչության շրջանում կան զոհեր և վիրավորներ, Մարտունու շրջանում մեկ կին և մեկ երեխա են զոհվել:

Նախնական տվյալներով հայկական կողմն ունի 16 զոհ և հարյուրից ավելի վիրավոր: Հայաստանում և Արցախում հայտարարվել է ռազմական դրություն և զորահավաք:

Հայերեն

Մյանմայում 5,1 մագնիտուդ ուժգնությամբ ևս մեկ երկրաշարժ է տեղի ունեցել

Կանադան չի կարող հաղթել ԱՄՆ-ին առևտրային պատերազմում․ ԱՄՆ փոխնախագահ

Իլոն Մասկը X սոցցանցը վաճառել է իր xAI ընկերությանը

Համացանցում հայերենով հաղորդակցվելու հնարավորություններն ընդլայնվում են ՏՏ նոր լուծումների շնորհիվ

Հանրապետության առանձին շրջաններում սպասվում է կարճատև անձրև

Էլվինա Մակարյանի երգերը նոր շունչ են ստացել երգչուհուն նվիրված համերգային երեկոյին

Վերջին 3 տարում մենք ավելացրել ենք 45.8 հա նոր կանաչ տարածք. Երևանի քաղաքապետ

Արամ Առաջին Կաթողիկոսը Բեյրութի Սուրբ Նշան եկեղեցում մասնակցել է Միջինքի առիթով կազմակերպված արարողությանը

ԱՄՆ-ին զուգարանի թղթի հետ կապված խնդիրներ են սպառնում կանադական փայտանյութի մաքսատուրքերի պատճառով

Գլխավոր դատախազությունը պահանջում է Վերին Գետաշեն բնակավայրի նախկին ղեկավարի իրավահաջորդից և փոխկապակցված անձից բռնագանձել անշարժ գույքեր և դրամական միջոցներ