«Ֆորսաժ»-ի աստղ Վին Դիզելը հանդիսատեսի դատին է ներկայացրել իր առաջին երգը
1 րոպեի ընթերցում
![«Ֆորսաժ»-ի աստղ Վին Դիզելը հանդիսատեսի դատին է ներկայացրել իր առաջին երգը](http://armenpress.am/resized/480/static/news/b/2020/09/1028913.jpg)
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկացի դերասան, «Ֆորսաժ» ֆիլմի աստղ Վին Դիզելը թողարկել է իր դեբյուտային «Feel Like I Do» սինգլը։
«Արմենպրես»-ի հաղորդմամբ՝ այդ մասին նա տեղեկացրել է «Ինստագրամ»-ի իր օգտահաշվի միջոցով:
View this post on Instagram
Արտիստը երգը ձայնագրել է նորվեգացի դիջեյ Kygo-ի հետ համատեղ, որը հայտնի է Stole the Show երաժշտությունով։
«Երկար ժամանակ էր ինչ խոստանում էի սկսել երաժշտություն ստեղծել, ինչի համար ոգեշնչվում եմ ձեզանով: Այսպիսով ես դուրս եմ գալիս հարմարավետության իմ գոտուց։ Շնորհակալություն ինձ հավատալու համար: Ինչպես միշտ, ես հույս ունեմ, որ դուք հպարտանում եք», - դիմելով իր երկրպագուներին «Ինստագրամ»-ի իր օգտահաշվում գրել է 53-ամյա դերասանը:
Պատրաստեց Լիլիթ Դեմուրյանը