Զորամասը նշել է կազմավորման 26-րդ տարեդարձը
1 րոպեի ընթերցում
![Զորամասը նշել է կազմավորման 26-րդ տարեդարձը](http://armenpress.am/resized/480/static/news/b/2020/09/1026559.jpg)
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության պետական սահմանի հյուսիսարևելյան հատվածի պահպանությունն իրականացնող զորամասերից մեկը նշել է կազմավորման 26- ամյակը։
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, գնդապետ Վ․ Ավագյանը հանդիսավոր միջոցառման ժամանակ անդրադարձել է զորամասի փառավոր մարտական ուղուն՝ ընդգծելով, որ այն բազմիցս ճանաչվել է ՀՀ զինված ուժերի լավագույն զորամաս։ Զորամասի հրամանատարը հիշատակել է հայրենի հողի պաշտպանության համար զոհված զինծառայողներին, բարձր է գնահատել նրանց սխրանքն ու նվիրումը, հավաստիացրել, որ զորամասի անձնակազմը նույն հերոսական ոգով շարունակում է հայրենի երկրի սահմանն անառիկ պահելու գործը։