Զոհված զինծառայողի ընտանիքն աջակցություն կստանա «Զինծառայողների ապահովագրության» հիմնադրամից
1 րոպեի ընթերցում
![Զոհված զինծառայողի ընտանիքն աջակցություն կստանա «Զինծառայողների ապահովագրության» հիմնադրամից](http://armenpress.am/resized/480/static/news/b/2020/07/1022860.jpg)
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ։ Հայ-ադրբեջանական սահմանին հուլիսի 14-ին ծանր վիրավորում ստացած և հուլիսի 23-ին ՊՆ կենտրոնական կլինիկական զինվորական հոսպիտալում մահացած ժամկետային զինծառայող, շարքային Արթուր Բագրատի Մուրադյանի ընտանիքի անդամներին «Զինծառայողների ապահովագրության» հիմնադրամի կողմից կտրամադրվեն հատուցումներ առաջիկա 20 տարվա ընթացքում: «Արմենպրես»-ի փոխանցմամբ, հիմնադրամը տեղեկացնում է, որ հատուցման չափը կկազմի 58 մլն ՀՀ դրամ, որից 10 մլն դրամը կտրամադրվի միանվագ, իսկ մնացածը՝ ամսական հավասար վճարներով:
Հիմնադրամն իր ցավակցությունն ու զորակցությունն է հայտնել Արթուր Մուրադյանի ընտանիքի անդամներին, հարազատներին և ծառայակիցներին: