1 րոպեի ընթերցում
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ։ Արտակարգ դրությունը չերկարաձգելու մասով տարբեր նախարարությունների կողմից տարբեր հնարավորություններ են դիտարկվում, ձևավորվել է ընդհանուր աշխատանքային խումբ։
«Արմենպրես»-ի հաղորդմամբ՝ այս մասին ասաց Արդարադատության նախարար Ռուստամ Բադասյանը՝ պատասխանելով հարցին, թե Արդարադատության նախարարությունը ինչ-որ օրենք մշակո՞ւմ է, որ ամեն ամիս արտակարգ դրությունը չերկարաձգվի։
«Բնականաբար, չի կարող նաև արտակարգ դրության բացակայության պայմաններում նույն ռեժիմը շարունակվել։ Այլ կարգավորումների մասին է խոսքը»,- ասաց Բադասյանը՝ չբացելով փակագծերը։