Քաղավիացիայի կոմիտեն հրապարակել է տեղեկություն առաջիկա չվերթների մասին

ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ։ Քաղաքացիական ավիացիայի կոմիտեն հրապարակել է առաջիկան չվերթների մասին տեղեկություն։

«Արմենպրես»-ի հաղորդմամբ՝ հուլիսի 16-ին կիրականացվի Մինսկ-Երևան-Մինսկ չվերթը Belavia ընկերության կողմից (ժամանում` 02:45, մեկնում`03։35), հուլիսի 16-ին կիրականացվի Լոս Անջելես-Երևան-Բոստոն չվերթը Icelandair ավիաընկերության կողմից (ժամանում`11։50, մեկնում ս. թ. հուլիսի 17֊-ին, 08։50), նույն օրը կիրականացվի Մոսկվա-Երևան չվերթը Red Wings ավիաընկերության կողմից (ժամանում` 21:40): Հուլիսի 17-ին կիրականացվի Կիև-Երևան-Կիև չվերթը SKYUP ավիաընկերության կողմից (ժամանում դեպի Երևան` 03:20, Երևանից մեկնում` 04:20):

«Արտերկրից ժամանած ՀՀ քաղաքացիները և ՀՀ տարածք մուտք գործելու իրավունք ստացած օտարերկրյա քաղաքացիները ս.թ. հունիսի 23-ից պարտավորվում են ինքնուրույն կազմակերպել իրենց տեղափոխումը օդանավակայանից և ցամաքային սահմանային անցակետերից դեպի նախանշված ինքնամեկուսացման վայրեր»,- նշված է Քաղավիացիայի կոմիտեի հաղորդագրության մեջ։