Մեկնարկել է ԱԺ արտահերթ նստաշրջանը. ՈՒՂԻՂ

ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ: Ազգային ժողովում մեկնարկել է արտահերթ նստաշրջանը: «Արմենպրես»-ի փոխանցմամբ՝ հուլիսի 8-ին գումարված նստաշրջանի օրակարգում ընդգրկված է 14 հարց:

Պատգամավորներն առաջին և երկրորդ ընթերցմամբ կքննարկեն և կքվեարկեն Հայաստանի Հանրապետության ընդերքի մասին օրենսգրքում փոփոխություններ եւ լրացումներ կատարելու մասին, «Ավտոմոբիլային ճանապարհների մասին» Հայաստանի Հանրապետության օրենքում փոփոխություններ եւ լրացումներ կատարելու մասին, «Պետական նպաստների մասին» Հայաստանի Հանրապետության օրենքում փոփոխություններ կատարելու մասին, Հայաստանի Հանրապետության քրեական դատավարության օրենսգրքում լրացումներ կատարելու մասին և մի շարք այլ օրենքների նախագծեր և օրենսդրական փաթեթներ:

Խորհրդարանում կկայանա նաև Հայաստանի Հանրապետության տնտեսական մրցակցության պաշտպանության պետական հանձնաժողովի անդամի ընտրությունը:

Նորայր Շողիկյան