Թուրքական թերթը «ամուսնացրել» է Զելենսկիին և Վերա Բրեժնևային

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ։ Թուրքական հայտնի «Հուրիեթ» թերթը սխալմամբ «ամուսնացրել» է Ուկրաինայի նախագահ Վլադիմիր Զելենսկիին դերասանուհի-երգչուհի Վերա Բրեժնևայի հետ: «Արմենպրես»-ի փոխանցմամբ` հոդվածում նշվում է այն մասին, որ Ուկրաինայի Առաջին տիկին Ելենա Զելենսկայան վարակվել է կորոնավիրուսով։ Որպես հրապարակման նկար՝ փակցրել են «Ութ լավագույն ժամադրություններ» ֆիլմի պաստառը, որտեղ Վլադիմիր Զելենսկին Վերա Բրեժնևայի հետ է, որը խաղում էր նրա կնոջ դերը։

Տեքստը տեղադրվել է թերթի պաշտոնական կայքում հունիսի 17-ին, ապա ֆոտոնկարը փոխվել է։

Разлучница! То Меладзе из семьи уведет, то вот Зеленку подвинула.

Мендель будет в гневе pic.twitter.com/qG4LlOyaxt

— Луиза Чкалова (@luiza4kaLova_) June 18, 2020

Ավելի վաղ Ելենա Զելենսկայայի մոտ ախտորոշվել էր կորոնավիրուս, նրան նախ բուժել են ամբուլատոր հիմունքներով, իսկ ավելի ուշ՝ հոսպիտալացրել երկկողմանի թոքաբորբով: Զելենսկին սահմանափակել է հանդիպումները և ինքնամեկուսացել։