ԱԺ-ն ընդունեց դատական միջնորդությունների փոխանցման գործընթացն էլեկտրոնային դարձնելու նախագիծը
1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: ՀՀ ազգային ժողովն առաջին ընթերցմամբ ընդունեց «ՀՀ քրեական դատավարության օրենսգրքում լրացումներ կատարելու մասին» օրենքի նախագիծը:
«Արմենպրես»-ի փոխանցմամբ՝ օրինագիծը հեղինակել են «Իմ քայլը» խմբակցության պատգամավորներ Սոնա Ղազարյանն ու Սերգեյ Ատոմյանը:
Նախագծով նախատեսվում է, որ վարույթն իրականացնող մարմինները քննչական գործողություններ կատարելու մասին իրենց միջնորդությունները ևս կարողանան էլեկտրոնային եղանակով ներկայացնել դատարան, այնուհետև այդ նույն եղանակով դատարանից ստանան փաստաթղթերը և ներկայացնեն դատախազին:
Օրենքի նախագիծն առաջին ընթերցմամբ ընդունվեց միաձայն՝ 112 «կողմ» ձայնով:
Նորայր Շողիկյան