368.54
Մեկ անձի կողմից մեկ շաբաթվա ընթացքում մեկ հանձնուք կթույլատրվի փոխանցել դատապարտյալին․ Բադասյան
1 րոպեի ընթերցում
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ։ Մեկ անձի կողմից մեկ շաբաթվա ընթացքում մեկ հանձնուք կթույլատրվի հանձնել Քրեկատարողական հիմնարկում գտնվող դատապարտյալին, եթե անձը պահպանի համապատասխան պահանջները և պայմանները։ Ինչպես տեղեկացնում է «Արմենպրես»-ը, մայիսի 14-ին այս մասին ասաց ՀՀ արդարադատության նախարար Ռուստամ Բադասյանը՝ անդրադառնալով արտակարգ դրության նոր կարգավորումներին։
«Քրեակատարողական հիմնարկներին վերաբերող կարգավորումներում փոփոխություն է կատարվել, ըստ որի մեկ անձի կողմից մեկ շաբաթվա ընթացքում մեկ հանձնուք կթույլատրվի հանձնել դատապարտյալին՝ պայմանով, որ ապահովվեն բոլոր պահանջները և պայմանները։
Մնացած բոլոր կարգավորումները, թե էլէկտրոնային հաղորդագրության միջոցների վերահսկումը, թե ազատ տեղաշարժի մյուս բոլոր սահմնափակումները, թե Հայաստանի Հանրապետության մուտք գործելու և ելք կատարելու սահմանափակումները շարունակում են կիրառելի մնալ։
Հուսով եմ, որ այս բոլոր միջոցառումները կհասնեն նպատակին, այն է՝ վարակի տարածումը հնարավորինս կանխարգելել և հնարավորություն տալ առողջապահական մարմիններին, որպեսզի բուժումն իրականացվի հնարավորինս արդյունավետ»,- ասաց Բադասյանը
Կարեն Խաչատրյան
Բաժանորդագրվեք մեր ալիքին Telegram-ում