Հիվանդանոցից դուրս գրվելուց հետո երեք քաղաքացու մոտ կրկին կորոնավիրուս է հայտնաբերվել

ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Հայաստանում կորոնավիրուսից ըստ էության բուժված և դուրս գրված երեք քաղաքացու մոտ 2 շաբաթ անց կրկին կորոնավիրուս է հայտնաբերվել: «Արմենպրես»-ի հաղորդմամբ՝ այս մասին ԱԺ առողջապահության և սոցիալական հարցերի մշտկան հանձնաժողովի նիստում ասաց ՀՀ առողջապահության նախարար Արսեն Թորոսյանը՝ անդրադառնալով պատգամավորների հարցերին, թե արդյոք եղե՞լ է կրկնակի վարակման դեպք:

«Դժբախտաբար, դեպքեր գրանցվել են, այդ թվում՝ Հայաստանում: Բայց հիմա ակադեմիական մեծ դեբատ է գնում: Եվ ամեն օր մենք թարմ գիտական ինֆորմացիա ենք ստանում, թե արդյոք դա կրկնակի վարա՞կ է, այսինքն ինքը բուժվե՞լ է ամբողջությամբ և նորի՞ց վարակվել է, թե՞ դա պարզապես եղել է կամ վիրուսի ապաակտիվացում օրգանիզմում, հետո ակտիվացում, և մենք չենք կարողացել ապաակտիվ վիճակում հայտնաբերել, քանի որ պացիենտը ոչ գանգատ է ունեցել, ոչ էլ քսուկի մեջ վիրուս է եղել: Կամ էլ ամենահավանականն այն է, որ դա վիրուսի ոչ ակտիվ մասնիկների առկայությունն է հյուսվածքներում, երբ վիրուսը չի բազմանում, բայց նրա ՌՆԹ-ն առկա է բջիջներում, և մենք պարզապես թեստավորելիս հայտնաբերում ենք»,-ասաց նախարարն ու նշեց՝ այդ դեպքերը Հայաստանում 3-ն են:

Նրանք որևէ գանգատ չունեն, որևէ սիմպտոմ, անհանգստացնող բան չկա, սակայն նրանց մոտ դուրսգրումից 2 շաբաթ հետո նորից վիրուս է հայտնաբերվել: Այդ անձանց նորից մեկուսացրել են, որպեսզի հավանական վարակը կանխարգելեն: Գիտական ինֆորմացիայի հասանելի դառնալուն զուգընթաց՝ նախարարությունը կորոշի, թե ինչ անել: Նախարարի խոսքով՝ նման դեպքեր արձանագրվել էին հիմնականում Չինաստանում, Հարավային Կորեայում: Եվ հենց Հարավային Կորեայի գիտնականներն էին եկել այն եզրահանգման, որ դա ոչ թե կրկնակի վարակում է, այլ վիրուսի մասնիկների պահպանում բերանի խոչոռի, կոկորդի հոյւսվածքներում՝ 2-3 ամսվա ընթացքում, որը պազրապես ՊՇՌ-ով հայտնաբերվում է: «Այդ հայտնաբերման մեթոդը աշխատում է ոչ թե վիրուսի մասնիկի վրա, այլ վիրուսի մեջ եղած գենետիկ նյութի վրա, որը կարող է լինել նաև ապաակտիվ վիճակում, այսինքն՝ առանց պատյանի: Իսկ առանց պատյանի վիրուսն էլ չի բազմանում և արտազատվում»,-ասաց Թորոսյանը:

Նա հորդորեց ամեն դեպքում վարակված և լավացած լինելու դեպքում պահպանել անվտանգության կանոնները:

Հայաստանումմայիսի4-իժամը11:00-իդրությամբհաստատվելէկորոնավիրուսայինհիվանդության 2507դեպք,որոնցից1071-ն`առողջացած:Կորոնավիրուսայինհիվանդությամբայսպահինփաստացիբուժումէստանում1393պացիենտ:Ընդհանուրառմամբկատարվելէ24 942թեստավորում: Կորոնավիրուսայինհիվանդությունիցարձանագրվելէմահվան39 դեպք:

Աննա Գրիգորյան