Հայաստանում Հայոց ցեղասպանությունը վերապրած երեք մարդ է ապրում

ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: ՀՀ աշխատանքի եւ սոցիալական հարցերի նախարարության սոցիալական ապահովության պետական ծառայությունում գրանցված էցեղասպանությունը վերապրած 3 քաղաքացի: «Արմենպրես»-ի հարցմանն ի պատասխան, այս մասին տեղեկացրին Աշխատանքի եւ սոցիալական հարցերի նախարարությունից: Նրանք են Օվսաննա Միրխանյանը (1915 թվականի ծնված) և Մարի Կիրակոսյանը (1908 թականի ծնված), Եպրաքսի Գեւորգյանը(1914 թվականի ծնված):

Նախկին Օսմանյան կայսրության տարածքում մինչև 1915 թվականի դեկտեմբերի 31-ը ծնվածները, բացի իրենց կենսաթոշակից, պետության կողմից ստանում են նաև հավելավճար իրենց կենսաթոշակի 50 տոկոսի չափով և հարյուր հազար դրամ որպես Ցեղասպանությունը վերապրած:

Երբ 2013 թվականին՝ Ցեղասպանության 100-րդ տարելիցինընդառաջ, «Արմենպրես»-ն սկսեց «Ականատեսը» հատուկ նախագիծը, Հայաստանում բնակվում էր վերապրած 40 անձ: