Հանձնաժողովը գերատեսչություններին հանձնարարել է դիտարկել հեռահար աշխատանքի հնարավորությունը. Ավինյան
1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: ՀՀ փոխվարչապետ Տիգրան Ավինյանը «Ֆեյսբուք»-ի իր էջի գրառմամբ տեղեկացրել է, որ կորոնավիրուսիկանխարգելման հանձնաժողովի նիստի որոշմամբ պետական գերատեսչություններին հանձնարարվել է իրենց գործառույթներից ու ծանրաբեռնվածությունից ելնելով դիտարկել մոտակա 10 օրերի ընթացքում աշխատակիցների մի մասի դեպքումաշխատանքըհեռահար եղանակով իրականացնելու հնարավորությունը։
«Սա հատկապես վերաբերում է 60 և ավելի տարիք և/կամ շաքարային դիաբետ, սրտանոթային, շնչառական հիվանդություններ ունեցող անձանց աշխատանքի կազմակերպմանը»,- «Արմենպրես»-ի հաղորդմամբ՝ նշել է Ավինյանը։