1 րոպեի ընթերցում
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: «Քաղաքացիական պայմանագիր» կուսակցության՝ մարտի 12-ին հրավիրված նիստի հետո ՀՀ վարչապետ Նիկոլ Փաշինյանը տեղեկացրեց, որ կես ժամվա ընթացքում կլինի հայտարարություն։ «Հարգելի լրագրողներ, կես ժամվա ընթացքում հայտարարություն կտարածենք»,- «Արմենպրես»-ի փոխանցմամբ, ասաց վարչապետը:
ՔՊ նիստում քննարկվել են նաև կորոնավիրոսւի հետ կապված իրավիճակը:
«Իմ քայլը» խմբակցության պատգամավոր Ալեն Սիմոնյանը լրագրողների հետ տեղեկացրեց, որ նիստի ժամանակ մի քանի թեմաներ են քննարկվել, և՛ հանրաքվեի մասին, և՛ կորոնավիրուսի մասին։ Հարցին, թե մանկապարտեզները, դպրոցները փակելու մասին ինչ է որոշվել, պատգամավորը պատասխանեց, որ շտապել պետք չէ, վարչապետը հայտարարություն կանի։ «Ինչ հարց, որ այսօր լրահոսում տեսել եք՝ քննարկել ենք»,- ասաց նա: