Նիկոլ Փաշինյանը Երևանի մետրոպոլիտենի կայարաններում բուկլետներ է բաժանում քաղաքացիներին

ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը Երևանի մետրոպոլիտենի կայարաններում սահմանադրական փոփոխությունների հանրաքվեի քարոզարշավի «Այո»-ի բուկլետներ է բաժանում քաղաքացիներին: «Արմենպրես»-ի հաղորդմամբ՝ Փաշինյանը «Ֆեյսբուք»-ի իր էջով ապահովել է ուղիղ միացում:

ՀՀ վարչապետի հետ են նաև նրա դուստրերը՝ Մարիամը և Շուշանիկը, ովքեր ծաղիկներ են նվիրում կանանց:

Սահմանադրական փոփոխությունների հանրաքվեն կկայանա ապրիլի 5-ին: Հանրաքվեով առաջարկվում է դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: