368.21
ՏՄՊՊՀ-ն շաքարավազի ոլորտում գերիշխող դիրքի չարաշահման փաստի հիմքով վարույթ է հարուցել
1 րոպեի ընթերցում
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Տնտեսական մրցակցության պաշտպանության պետական հանձնաժողովը (ՏՄՊՊՀ) վարույթ է հարուցել շաքարավազի ոլորտում հակամրցակցային համաձայնություն կամ գերիշխող դիրքի չարաշահման փաստի հիմքով:
«Արմենպրես»-ի փոխանցմամբ՝ այս մասին կառավարության նիստից հետո լրագրողների հետ զրույցում ասաց ՏՄՊՊՀ նախագահ Գեղամ Գևորգյանը:
«Շաքարավազի հետ կապված հստակ պատկերացումներ ունենք, որ մեր ուսումնասիրությունների արդյունքում ստացված ինքնարժեքից ցածր է այն վաճառվում խոշոր սուպերմարկետում կամ առևտրային ցանցում: Հիմա վարույթ ենք հարուցել, որպեսզի հասկանանք, թե դա ինչի արդյունք է: Վարույթը հարուցված է փաստի հիմքով՝ հակամրցակցային համաձայնություն կամ գերիշխող դիրքի չարաշահում»,- ասաց Գևորգյանը:
Բաժանորդագրվեք մեր ալիքին Telegram-ում