368.12
Ավինյանը ներկայացրեց համայնքների խոշորացման առկա վիճակագրությունը
1 րոպեի ընթերցում
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Համայնքների խոշորացման վերաբերյալ առկա վիճակագրության համաձայն՝ խոշորացումը դրական է ազդում համայնքների ենթակառուցվածքների զարգացման ծրագրերի վրա: «Արմենպրես»-ի փոխանցմամբ՝ այս մասին ՀՀ Ազգային ժողովում կառավարության հետ հարցուպատասխանի ընթացքում այս մասին ասաց ՀՀ փոխվարչապետ Տիգրան Ավինյանը, պատասխանելով «Լուսավոր Հայաստան» խմբակցության անդամ Սարգիս Ալեքսանյանի հարցին:
«Հիմնական մեծ, խոշոր լավ սուբվենցիոն ծրագրերն իրականացվում են խոշորացված համայնքների կողմից: Խոշորացված համայնքներում հնարավորություն է ստեղծվում որոշակի ֆինանսական միջոցների կուտակման, որոնք էլ հնարավոր է լինում ուղղել սուբվենցիոն ծրագրերի իրականացմանը»,- ասաց Ավինյանը:
Փոխվարչապետը նշեց, որ այն համայնքների բնակիչների համար, որտեղ խոշորացման վերաբերյալ տարաձայնություններ կան, համայնքներում խորհրդատվական հանրաքվեների անցկացման հնարավորություն է ստեղծվել:
Բաժանորդագրվեք մեր ալիքին Telegram-ում