Մոսկվայում Սալվադոր Դալիի աշխատանքների ցուցահանդեսին այցելել է ռեկորդային թվով մարդ

ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Մոսկվայի Մանեժում փետրվարի 6-ին իսպանացի նկարիչ Սալվադոր Դալիի ցուցահանդես են այցելել ռեկորդային թվով մարդիկ: «Արմենպրես»-ի հաղորդմամբ՝ այս մասին տեղեկացնում է «ՌԻԱ Նովոստի»-ն:

Հաճախելիության ռեկորդն այդ օրը եղել է 9,8 հազար մարդ:

Ավելի վաղ կազմակերպիչները հայտնել էին, որ միջին հաշվով ամեն օր 9 հազար մարդ է այցելում ցուցահանդես: Այցելուների մեծ ներհոսքի պատճառով որոշվել է երկարաձգել աշխատանքի ժամերը: