Հարիսոն Ֆորդը վերստին կմարմնավորի Ինդիանա Ջոնսին

ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Դերասան Հարիսոն Ֆորդը նկարահանվելու Է արկածներ որոնող Ինդիանա Ջոնսի մասին հերթական ֆիլմում: Այդ մասին, ինչպես տեղեկացնում Է «Արմենպրես»-ը, հայտնել Է BBC-ն: Կինոպրոդյուսեր, Lucasfilm-ի նախագահ Քեթլին Քենեդին հաստատել Է 77-ամյա դերասանի մասնակցությունը ֆրանշիզայի հինգերորդ կինոնկարին: Նրա խոսքով՝ այժմ ավարտվում Է սցենարի հետ կապված աշխատանքը:

Քենեդին ընդգծել Է, որ նոր կինոֆիլմը լինելու Է «ոչ թե սերիայի վերաթողարկումը, այլ շարունակությունը»: Կինոնկարի ռելիզը, որն առայժմ անվանում չունի, նշանակված Է 2021 թվականի հուլիսի 9-ին, ճշտում Է NME-ն: 2019 թվականին Հարիսոն Ֆորդը տեղ Էր գտել ծերացած ամենագեղեցիկ հայտնիների հնգյակում: Նրան ընկերակցել են Ռիչարդ Գիրը, Լիամ Նիսոնը, Փիրս Բրոսնանը եւ Առնոլդ Շվարցենեգերը: