ԱՄՆ-ում Apple-ին եւ Broadcom-ին պարտավորեցրել են 1,1 մլրդ դոլար վճարել տեղի բուհին. Bloomberg
1 րոպեի ընթերցում
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Apple եւ Broadcom ընկերությունները պարտավոր են 1,1 միլիարդ դոլար վճարել Կալիֆոռնիայի տեխնոլոգիական ինստիտուտին՝ անհաղորդալար ճանապարհով տվյալների փոխանցման բնագավառում մշակումների արտոնագրային իրավունքների խախտման համար: Կալիֆոռնիայի նահանգում երդվյալների ժյուրիի վճռի մասին, որոնք քննել են բուհի հայցը, հունվարի 29-ին հայտնել Է Bloomberg գործարար նորությունների գործակալությունը, տեղեկացնում Է «Արմենպրես»-ը:
Գործակալության տվյալներով՝ փոխհատուցման չափը տվյալ դեպքում մեծությամբ վեցերորդն Է արտոնագրային վեճերի պատմության մեջ:
Apple-ը եւ Broadcom-ը, որոնք կիսահաղորդիչների եւ միկրոպրոցեսորների խոշորագույն արտադրողներից մեկն են, հայտարարել են երդվյալների վճիռը բողոքարկելու մտադրության մասին: Ընկերությունները ճշտում են, որ հայցվորի պահանջները կապված են ոչ թե սարքավորանքի, այլ Էլեկտրոնային սարքերի վրա տեղակայված միկրոպրոցեսորների հետ, հաղորդել Է ՏԱՍՍ-ը: