Մարտունիում անցկացվեց բռնցքամարտի մարզային երիտասարդական առաջնությունը

ԳԱՎԱՌ, 21 ՀՈՒՆՎԱՐԻ, ԱՐՄԵՆՊՐԵՍ: Մարտունու մարզադպրոցում անցկացվեց Գեղարքունիքի մարզի 2002-2003 թվականներին ծնված երիտասարդների բռնցքամարտի մարզային առաջնությունը՝ նվիրված Հայոց բանակի ստեղծման 28-րդ տարեդարձին:

Ինչպես «Արմենպրես»-ին տեղեկացրին Գեղարքունիքի մարզպետարանի ԿՄՍ վարչությունից, բռնցքամարտի մարզային առաջնությանը մասնակցել են Մարտունի, Գավառ, Ճամբարակ, Լիճք, Ծովինար, Գեղհովիտ, Վարդաձոր, Արծվանիստ եւ Ակունք համայնքների երիտասարդ բռնցքամարտիկներ: Ըստ քաշային կարգերի հաղթողներ են ճանաչվել՝ 49 կգ քաշային կարգում՝ Մարտունու մարզադպրոցի սան Վիգեն Բարսեղյանը, մարզիչ՝ Մհեր Մարգարյան, 52 կգ քաշային կարգում ՝ Մարտունու մարզադպրոցի սան Վազգեն Հունանյանը,մարզիչ՝ Գագիկ Սարգսյան , 56 կգ քաշային կարգում՝ Ճամբարակ համայնքի ներկայացուցիչ Դավիթ Քեշիշյանը, մարզիչ՝ Էդգար Սահակյան, 60 կգ քաշային կարգում՝ Մարտունու մարզադպրոցի սան Արմեն Հարությունյանը, մարզիչ՝ Գեւորգ Սարգսյան, 64 կգ քաշային կարգում՝ Մարտունու մարզադպրոցի սան Գուրգեն Կակոյանը, մարզիչ՝ Գեւորգ Սարգսյան, 69 կգ քաշային կարգում՝ Մարտունու մարզադպրոցի սան Նարեկ Զախարյանը, մարզիչ՝ Գեւորգ Սարգսյան, 75 կգ քաշային կարգում՝ Մարտունու մարզադպրոցի սան Նարեկ Գրեյանը, մարզիչ՝ Գագիկ Սարգսյան եւ Գավառի մարզադպրոց ի սան Նարեկ Սաքեյանը, մարզիչ՝ Մարատ Կարոյան, 8 1կգ քաշային կարգում՝ Մարտունու մարզադպրոց ի սան Գարիկ Սիմոնյանը, մարզիչ՝ Մանուշակ Դավուդյան, 91 կգ քաշային կարգում՝ Մարտունու մարզադպրոց ի սան Արտյոմ Մելքոնյանը,մարզիչ՝ Մհեր Մարգարյան, եւ 91+ կգ քաշային կարգում՝ Մարտունու մարզադպրոց ի սան Էրիկ Շահբազյանը, մարզիչ՝ Գեւորգ Սարգսյան:

Մրցանակակիրները պարգեւատրվել են Գեղարքունիքի մարզի բռնցքամարտի ֆեդերացիայի համապատասխան հավաստագրերով եւ հուշամեդալներով: Մրցավարների կողմից ներկայացրած արձանագրությունների հիման վրա ձեւավորվել է մարզի հավաքական թիմը, որը փետրվարի 5-10-ը Երեւանում կմասնակցի ՀՀ երիտասարդների բռնցքամարտի 2020 թվականի առաջնությանը:

Խոսրով Խլղաթյան