ԵԱՏՄ անդամ երկրների ղեկավարներն ամփոփել են կառույցում ՀՀ նախագահության մեկ տարին
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Եվրասիական տնտեսական միության անդամ երկրների ղեկավարներն ամփոփել են կառույցում Հայաստանի Հանրապետության նախագահության մեկ տարին: «Արմենպրես»-ի փոխանցմամբ` Եվրասիական տնտեսական բարձրագույն խորհրդի նիստից հետո լրագրողների հետ հանդիպմանն այս մասին հայտնեց ՀՀ վարչապետ Նիկոլ Փաշինյանը:
«Այսօրվա նիստը Հայաստանի նախագահության շրջանում վերջինն էր: Մենք հնարավորություն ունեցանք ամփոփելու անցած տարին և խոսելու Հայաստանի նախագահության օրոք գրանցած հաջողությունների մասին»,- ասաց Փաշինյանը:
ՀՀ վարչապետը թվարկեց այն կարևոր ձեռքբերումները, որոնք գրանցվել են անցնող տարվա ընթացքում, նշելով նաև ԵԱՏՄ-ի և Սինգապուրի միջև կնքված ազատ առևտրի համաձայնագիրը:
ԵԱՏՄ-ում Հայաստանի նախագահությունը 2020թ. հունվարի 1-ին կփոխանցվի Բելառուսի Հանրապետությանը: Եվրասիական տնտեսական հանձնաժողովի կոլեգիայի նախագահի պաշտոնում Տիգրան Սարգսյանի լիազորությունների ժամկետը լրանում է 2020 թվականի փետրվարի 1-ին, և նրան այդ պաշտոնում կփոխարինի Միխայիլ Մյասնիկովիչը, ով մինչ այս զբաղեցրել է Բելառուսի Հանրապետության վարչապետի և Ազգային ժողովի խորհրդի նախագահի պաշտոնները:
Բաժանորդագրվեք մեր ալիքին Telegram-ում