Տարեցներին հասցեագրված տնային և համայնքային ծառայությունները կավելանան
15:17, 13 Դեկտեմբեր 2019
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: 2019 թվականին հիմնանորոգվել է «Նորքի տուն-ինտերնատ» ՊՈԱԿ-ի անկողնային հիվանդների խնամքի մասնաշենքը:
«Արմենպրես»-ի հաղորդմամբ՝ այս մասին տարեկան ամփոփիչ ասուլիսի ժամանակ ասաց ՀՀ աշխատանքի և սոցիալական հարցերի նախարար Զարուհի Բաթոյանը:
«Մենք մշտապես բարելավում ենք խնամքի պայմանները, թեև աշխատանքներ ենք տարել, որպեսզի 2020 թվականին տնային և համայնքային ծառայություններն ավելացնենք»,- նշեց Բաթոյանը և հավելեց, որ այդպիսով կկանխարգելեն տարեցների մուտքը խնամքի տներ:
Բաժանորդագրվեք մեր ալիքին Telegram-ում