Մարմնամարզիկ Արթուր Ավետիսյանը Համաշխարհային բանակային խաղերի բրոնզե մեդալակիր է
16:08, 25 Հոկտեմբեր 2019
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի մարմնամարզության հավաքականի անդամ Արթուր Ավետիսյանը դարձել է Համաշխարհային բանակային խաղերի բրոնզե մեդալակիր:
«Արմենպրես»-ի հաղորդմամբ` Չինաստանի Ուհան քաղաքում ընթացող Համաշխարհային 7-րդ խաղերում մարմնամարզության օղակների վարծությունում Ավետիսյանը, հավաքելով 14, 533 միավոր, դարձել է բրոնզե մեդալակիր:
Մարմնամարզիկներ Հարություն Մերդինյանը նժույգթափերի վարժությունում 4-րդն է, իսկ Վահագն Դավթյանն օղակների վարժությունում 4-րդ տեղում է:
Մինչ այս, 7-րդ Համաբանակային խաղերում Հայաստանն ուներ մեկ բրոնզե մեդալ: Այն նվաճել է ազատ ոճային ըմբիշ Մհեր Մարկոսյանը:
Բաժանորդագրվեք մեր ալիքին Telegram-ում