Սոսո Պավլիաշվիլին երևանյան համերգին իր նվագախմբի հետ կատարելու է հին ու նոր ստեղծագործություններ
17:01, 11 Սեպտեմբեր 2019
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Հանրահայտ երգիչ Սոսո Պավլիաշվիլին, որը համերգային ծրագրով է ներկայանալու Երևանում, երեկոյին ընդառաջ վերջին փորձերն է անցկացնում:
«Արմենպրես»-ի հաղորդմամբ` համերգը տեղի է ունենալու սեպտեմբերի 17-ին Կ. Դեմիրճյանի անվան մարզահամերգային համալիրի փոքր դահլիճում:
Երգիչը ներկայացնելու է գործեր, որոնք ընդգրկված են իր և հայ երաժիշտներից կազմված «Naverey» նվագախմբի հետ մշակած «Կյանքը հրաշք է» սկավառակում: Նա խոստանում է կատարել նաև մի շարք հին ու սիրված երգեր:
Երևանյան համերգից հետո Պավլիաշվիլին և «Naverey» նվագախումբը նախատեսում են համերգներով հանդես գալ նաև այլ երկրներում:
Երևանյան համերգի կազմակերպիչներն են «Մեցցո» փրոդաքշնը և Մարզահամերգային համալիրը:
Բաժանորդագրվեք մեր ալիքին Telegram-ում