368.12
Վրաստանում ՀՀ դեսպանության իրավաբանը տեսակցել է ռադիոակտիվ նյութի գործով կասկածվող ՀՀ քաղաքացուն
1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Վրաստանում ՀՀ դեսպանության իրավաբանը տեսակցել է ռադիոակտիվ նյութ տեղափոխելու գործով կասկածվող ՀՀ քաղաքացուն: «Արմենպրես»-ին այս մասին տեղեկացրեցին Վրաստանում ՀՀ դեսպանության մամուլի ծառայությունից, նշելով, որ ՀՀ քաղաքացին որևէ բողոք չունի:
Վրաստանում ՀՀ դեսպանությունը «Ֆեյսբուք» սոցիալական ցանցի իր էջում ավելի վաղ տեղեկացրել էր, որ հուլիսի 11-ին Վրաստանի պետական անվտանգության ծառայության աշխատակիցները ձերբակալել են ՀՀ քաղաքացի Մ․Մ․-ին, ով, վրացական կողմի հաղորդմամբ, կասկածվում է հայ-վրացական սահմանին հայտնաբերված ռադիոակտիվ նյութի սեփականատերը լինելու համար։
Թբիլիսիի քաղաքային դատարանը որոշում է կայացրել ՀՀ քաղաքացու նկատմամբ որպես խափանման միջոց կիրառել կալանքը:
Վրաստանի հատուկ ծառայությունները կասեցրել են Հայաստանից ՌԴ ռադիոակտիվ նյութերի փոխադրման փորձը
Բաժանորդագրվեք մեր ալիքին Telegram-ում