Երևանում՝ 11:07,   19 Մարտ 2024

Տրիպոլիում ապրիլից սկսած զինված բախումների հետևանքով զոհվել է 691 մարդ

Տրիպոլիում ապրիլից սկսած զինված բախումների հետևանքով զոհվել է 691 մարդ

ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Լիբիայի մայրաքաղաք Տրիպոլիում ապրիլից սկսած զինված բախումների հետևանքով զոհվել է 691 մարդ: «Արմենպրես»-ի հաղորդմամբ, ՏԱՍՍ գործակալությունը տեղեկացնում է, որ այս տվյալները հրապարակել է Առողջապահության համաշխարհային կազմակերպությունը:

«Զինված բախումների հետևանքով զոհվել է 691 մարդ, այդ թվում խաղաղ բնակիչներ: Չորս հազարից ավելի մարդ ստացել է տարբեր աստիճանի վնասվածքներ»,-ասված է կազմակերպության հաղորդագրության մեջ: Ավելի վաղ կազմակերպությունը հաղորդում էր 653 զոհի և 3 հազար 500 տուժածի մասին:

Ներկայում Լիբիայում գործում Է երկու կառավարություն. միջազգային հանրության կողմից ճանաչված վարչապետ Ֆայիզ Սարաջի Ազգային համաձայնություն կառավարությունը (ԱՀԿ)՝ Տրիպոլիում եւ Աբդալա Աբդուռահման աթ-Թանիի նախարարների ժամանակավոր կաբինետը, որը գործում է երկրի արեւելքում՝ ընտրված խորհրդարանի հետ համատեղ, եւ որին աջակցում Է Լիբիայի ազգային բանակը (ԼԱԲ): Ապրիլի 4-ին բանակի հրամանատարը՝ ֆելդմարշալ Խալիֆա Հաֆթարը, հայտարարել էր մայրաքաղաքի վրա հարձակում սկսելու մասին, իսկ ԱՀԿ-ի ղեկավար Սարաջը հրաման էր տվել իր կողմից վերահսկվող բոլոր զինվորական ստորաբաժանումներին՝ պատրաստ լինել պաշտպանության: Ավելի ուշ մայրաքաղաքում բազավորված զինված կազմավորումները հայտարարել են «Ցասման հրաբուխ» արշավն սկսելու մասին՝ ԼԱԲ-ի գրոհող ուժերին դիմակայելու համար:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]