368.26
Կապանում հոսող թթվային գետակների վերաբերյալ տեսչական մարմինը փորձաքննություն կիրականացնի
1 րոպեի ընթերցում
ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Կապան քաղաքի տարբեր թաղամասերում շենքերի բակերում հոսող թթվային գետակների բաղադրությունը պարզելու և ուսումնասիրություն իրականացնելու համար Բնապահպանության և ընդերքի տեսչական մարմինը փորձանմուշներ է վերցրել:
«Արմենպրես»-ի հաղորդմամբ՝ անդրադառնալով օրերս Կապան քաղաքից համացանցում տարածված հոսող թթվային գետակների լուսանկարներին, այս մասին լրագրողների հետ զրույցում ասաց ՀՀ շրջակա միջավայրի նախարար Էրիկ Գրիգորյանը:
«Ուղղակի աչքով նայելիս երևում է, որ լքված տարածքների պոչամբարներից եկող որոշակի աղտոտվածություն ունեցող ջրային մարմիններ են»,- նշեց Գրիգորյանը:
Նրա խոսքով՝ այժմ պետությունը պետք է իրականացնի ռեկուլտիվացման աշխատանքները (աշխատանքների ամբողջություն, որն իրականացվում է խախտված տարածքների վերականգնման և հողային տարածքների՝ անվնաս վիճակի բերման նպատակով,- խմբ.) և զուգահեռ այնտեղ կատարվելու են որոշակի երկրաբանական ուսումնասիրություններ:
Բաժանորդագրվեք մեր ալիքին Telegram-ում