1000х90.jpg (78 KB)

Երևանում՝ 11:07,   28 Մարտ 2024

Արտակ Զեյնալյանը չի շտապում գնահատականներ տալ վարչապետի՝ դատարանների մուտքերը փակելու կոչին

Արտակ Զեյնալյանը չի շտապում գնահատականներ տալ վարչապետի՝ դատարանների 
մուտքերը փակելու կոչին

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: ՀՀ արդարադատության նախարար Արտակ Զեյնալյանը կարծում է, որ դատական իշխանությունում կուտակվել են բազմաթիվ խնդիրներ և դրանց անհրաժեշտ է շուտափույթ լուծում տալ:

«Արմենպրես»-ի հաղորդմամբ՝ լրագրողների հետ ճեպազրույցում, պատասխանելով հարցին, թե իրավունք ունե՞ր վարչապետը դատարանների մուտքերը փակելու կոչով հանդես գալու,  Զեյնալյանը պատասխանեց, որ պետք է տարանջատել իրավական և քաղաքական գործընթացները: «Սա քաղաքական գործընթաց է, և ես չեմ շտապի դեռևս գնահատականներ տալ»,-ասաց նա:

Արդարադատության նախարարը նշեց, որ այն դատավորները, ովքեր կգտնեն, որ անաչառ չեն և չեն կարող արդարադատություն իրականացնել, իրենք կարող է հրաժարական տալ և պետք է հեռանան:

«Վարչապետի ուղերձը  քաղաքական ուղերձ էր և քաղաքական կոչ էր այն դատավորներին, ովքեր որ կգտնեն, կգնահատեն որ իրենք մարդու իրավունքների նկատմամբ ունեցել են այլ վերաբերմունք, քան Հայաստանի սահմանադրությամբ է ամրագրված»,-հավելեց նա:

Մայիսի 19-ին ՀՀ վարչապետ Նիկոլ Փաշինյանը հանդես էր եկել բոլոր դատարանների մուտքերը փակելու կոչով: Մայիսի 20-ին Հանրապետության բոլոր դատարանների մուտքերը արգելափակվել էին քաղաքացիների կողմից: Վարչապետ Փաշինյանը հանդես էր եկել դատական համակարգի վերաբերյալ հայտարարությամբ:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]