ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Լեհաստանում կառավարող «Օրենք եւ արդարություն» կուսակցության առաջնորդ Յարոսլավ Կաչինսկին կարծում Է, որ Եվրամիության կենտրոնական մամիններում գործող 30 հազար ազդեցության խմբերի մեծ մասը կապված Է Ռուսաստանի հետ: Այդ մասին նա հայտարարել Է Gazeta Polska շաբաթաթերթին տված հարցազրույցում, որից մայիսի 21-ին հատվածներ են հրապարակել Լեհաստանի զանգվածային լրատվամիջոցները, տեղեկացնում Է «Արմենպրես»-ը:

Պատասխանելով Եվրախորհրդարանի առաջիկա ընտրությունների արդյունքների վերաբերյալ հարցին՝ Կաչինսկին ասել Է, որ Բրյուսելում ռուսական շահապաշտպանությունը շատ ուժեղ Է: «Այդ ազդեցությունն Էլ ավելի զգալի կերեւա, երբ մենք դրա մասշտաբները գնահատենք առանձին պետությունների քաղաքականության տեսակետից: Առաջին եւ երկրորդ «Հյուսիսային հոսքերն» իրականացվում են Գերմանիայի հետ համատեղ: Ֆրանսիայի քաղաքականությունը դժվար Է հակառուսական համարել»,- նշել Է քաղաքական գործիչը:

«Եթե գնահատենք այդ ազդեցությունը եւ Բրյուսելին նայենք որպես Եվրամիության ինչ-որ չափով ինքնավար քաղաքական կենտրոնի, այն (ազդեցությունը) նույնպես շատ նկատելի Է: 30 հազար զանազան շահապաշտպան խմբերից, որոնք այսօր գործում են Եվրամիության կենտրոնակայանում, մեծ մասն ունի կա՛մ ուղղակի ռուսական ծագում, կա՛մ կապված Է ռուսաստանցիների հետ»,- պնդում Է Կաչինսկին, հաղորդել Է ՏԱՍՍ-ը: