1000х90.jpg (78 KB)

Երևանում՝ 11:07,   29 Մարտ 2024

Բոստոնի հայ համայնքը շուրջ 150 հազար դոլար գումար է նվիրաբերել City of Smile հիմնադրամին

Բոստոնի հայ համայնքը շուրջ 150 հազար դոլար գումար է նվիրաբերել City of Smile 
հիմնադրամին

ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Աշխատանքային այցով ԱՄՆ-ում գտնվող Հայաստանի Հանրապետության վարչապետի տիկին,  City of Smile  (Ժպիտների քաղաք) հիմնադրամի հոգաբարձուների խորհրդի նախագահ  Աննա Հակոբյանը երկօրյա այց է ունեցել Բոստոն, որտեղ արժանացել է հայ համայնքի ջերմ ընդունելությանը: Ինչպես հաղորդում է «Արմենպրես»-ը, վկայակոչելով bostonglobe.com-ը, Բոստոնի հայ համայնքի կողմից  City of Smile (Ժպիտների քաղաք) հիմնադրամի համար մոտ 150 հազար դոլար գումար է հավաքվել:  

City of Smile հիմնադրամը ստեղծվել  է քաղցկեղով հիվանդ երեխաներին աջակցություն ցուցաբերելու նպատակով:

Բոստոնի հայ համայնքի հետ հանդիպմանն Աննա Հակոբյանն ընդգծել է, որ հարուստ  և զարգացած երկրներում քաղցկեղը պարզապես հիվանդություն է, բայց շատ ավելի քիչ զարգացած երկրներում այն հավասար է մահվան դատավճռի»,- ասել է Աննա Հակոբյանը Բոստոնի հայ համայնքի ներկայացուցիչների հետ հանդիպմանը, որին ներկա է գտնվել ավելի քան 450 մարդ: Հանդիպմանը ներկա է գտնվել նաև ԱՄՆ-ում ՀՀ դեսպան Վարուժան Ներսեսյանը:

Աննա Հակոբյանը նաև հայտնել է, որ երազում է Հայաստանում  հիվանդանոց  ունենալու մասին, որտեղ կլինեն բոլոր անհրաժեշտ դեղամիջոցներն ու մեթոդները, որպեսզի ոչ մի ծնող ստիպված չլինի իր երեխային Եվրոպա, Ռուսաստան կամ Միացյալ Նահանգներ տանել: «Ես երազում եմ, որ մեր երեխաները մնան տանը՝ Հայաստանում և բուժում ստանան իրենց տան անմիջական հարևանությամբ»,- ասել է ՀՀ վարչապետի տիկինը:

Բոստոնում կայացած գալա միջոցառման համանախագահ Սինթիա Կազանչյանն ընդգծել է, որ City of Smile հիմնադրամը ցանկանում է ներդնել Սուրբ Հուդայի Սուրբ Հուդայի մանկական հետազոտական հիվանդանոցի մոդելը, որպեսզի հնարավոր լինի ապահովել երեխաների բուժումը Հայաստանում՝ անկախ նրանց ընտանիքի եկամտից:

Սինթիա Կազանչյանն Աննա Հակոբյանին Հայաստանում և հայկական սփյուռքի հետ հարաբերություններում ունեցած դիրքի առումով համեմատել  է ԱՄՆ 44-րդ նախագահ Բարաք Օբամայի տիկնոջ՝ Միշել Օբամայի հետ: «Նա և նրա ամուսինը փորձում են նոր  Հայաստան կառուցել, և մարդկանց մոտ հույս է արթնացել: Երկար ժամանակ մարդիկ այնտեղ կամ շատ աղքատ են եղել կամ շատ հարուստ՝ առանց միջին խավի: Նոր ղեկավարության օրոք դա փոխվում է»,- ասել է նա:

 

 

 

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]