Ժամանակը Երևանում՝ 11:07:36,   21 Մարտ

Tesla-ն կփակի իր բոլոր խանութները եւ ավտոմեքենաները կվաճառի միայն Համացանցի միջոցով


ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Tesla Inc. ամերիկյան ավտոարտադրողը հայտարարել Է, որ սկսելու Է փակել իր բոլոր խանութները եւ ավտոմեքենաների վաճառքներն իրականացնելու Է միայն Համացանցի միջոցով, տեղեկացնում Է «Արմենպրես»-ը:

Ինչպես գրում Է The Wall Street Journal-ը, այդ արտասովոր քայլն ուղղված Է ընկերության ծախսերի կրճատմանը, ինչը նրան թույլ կտա նվազեցնել Model 3-ի արժեքը եւ դրանք վաճառել երկար սպասված 35 հազար դոլար մեկնարկային գնով: Այդ նպատակը Tesla-ն քննարկում Էր տարիներով եւ քանիցս հետաձգում դրան հասնելու ժամկետները, սակայն վաճառքների ռազմավարության մեջ փոփոխությունն անակնկալ Է դարձել:

Առցանց-վաճառքներին անցնելը, հավանաբար, Էլ ավելի կզայրացնի ամերիկյան ավտոդիլերներին, որոնք մոտավորապես տասը տարի են կորցրել ավտոմեքենաներն ուղղակիորեն ընկերությանը պատկանող խանութների միջոցով վաճառելու Tesla-ի փորձերին դիմակայելու համար: Ավելի քան 100 տարի ավտոարտադրողները հետեւում Էին ԱՄՆ-ում կողմնակի դիլերների միջոցով վաճառքների մոդելին:

«Վերջին հաշվով դա կդառնա Tesla-ի շատ ուժեղ մրցակցային կողմը,-հայտարարել Է ընկերության գլխավոր գործադիր տնօրեն Իլոն Մասքը:-Դա կլինի Tesla-ի հիմնարար երկարաժամկետ մրցակցային առավելությունը, որը կարող Է անել միայն ստարտապը»: «2019 թվականին մարդիկ պարզապես ցանկանում են առցանց գնել իրերը»,-հավելել Է նա: Հյուսիսային Ամերիկայում, ինչպես նշել Է Ի.Մասքը, հեռախոսի օգնությամբ գնումը կետեի մոտավորապես մեկ րոպե: 2018 թվականի վերջի դրությամբ՝ Tesla-ն 378 խանութ եւ սերվիսային կենտրոն ուներ ամբողջ աշխարհում, հաղորդել Է «Ինտերֆաքս»-ը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ