Ժամանակը Երևանում՝ 11:07:36,   19 Փետրվար

Բուքը փակել է Ախպրաձորի ճանապարհը

Բուքը փակել է Ախպրաձորի ճանապարհը

ԳԱՎԱՌ, 9 ՀՈՒՆՎԱՐԻ, ԱՐՄԵՆՊՐԵՍ: Գեղարքունիքի մարզի Ախպրաձոր գյուղի ճանապարհը սաստիկ բքի պատճառով փակ է մնում երեք օր շարունակ: Ինչպես «Արմենպրես»-ին տեղեկացրեց Ախպրաձորի գյուղապետ Լավրենդիկ Ղազարյանը, գործին ոչնչով չեն կարողանում օգնել ճանապարհաշինարարները, քանի որ բուքը չի դադարում օրեր շարունակ:
«Ճանապարհը Ծովակ գյուղից բաց է մինչեւ Մաքենիս, իսկ Մաքենիսից մինչեւ մեր գյուղ արդեն փակ է: Այնքան սաստիկ բորան է, որ հնարավոր չէ դրսում աշխատել կամ գտնվել մի քանի րոպե: Ճանապարհաշինարարները տեղում են, սպասում են բքի հանդարտմանը, որպեսզի մաքրման աշխատանքներ ձեռնարկեն, սակայն առայժմ ոչինչ չեն կարողանում անել: Լավ է, որ գյուղում արտակարգ դեպքեր չկան»,-նշեց համայնքի ղեկավարը:
Գեղարքունիքի մարզպետարանի քաղաքաշինության վարչության տրանսպորտի եւ ճանապարհաշինության բաժնի վարիչ Գեւորգ Խաչատրյանի տեղեկացմամբ՝ հունվարի 9-ի կեսօրվա դրությամբ բքի պատճառով փակ է նաեւ Վարդենյաց լեռնանցքը, դժվարանցանելի են Վերին Գետաշեն-Մադինա եւ Վարդենիս-Այրք միջհամայնքային ճանապարհները, որոնց անցանելիության ապահովման համար ճանապարհաշինարարները կատարում են մաքրման եւ մշակման աշխատանքներ:
Մնացած ուղղություններում ճանապարհները բաց են եւ երթեւեկելի:

Խոսրով Խլղաթյան





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ