Ժամանակը Երևանում՝ 11:07:36,   17 Փետրվար

Գյումրիում ավարտվել է ՌԴ թիվ 102 ռազմակայանի զինծառայող Դմիտրի Յալպաևի սպանության գործով դատական նիստը

Գյումրիում ավարտվել է ՌԴ թիվ 102 ռազմակայանի զինծառայող Դմիտրի Յալպաևի սպանության գործով դատական նիստը

ԳՅՈՒՄՐԻ, 5 ՆՈՅԵՄԲԵՐԻ, ԱՐՄԵՆՊՐԵՍ: Շիրակի մարզի ընդհանուր իրավասության առաջին ատյանի դատարանում հոկտեմբերի 31-ին ավարտվել է Ռուսաստանի Դաշնության թիվ 102 ռազմակայանի զինծառայող Դմիտրի Յալպաևի սպանության գործով դատական նիստը: Դատարանը կայացրել է դատավճիռ՝ Արման Ջանջուղազյանին դատապարտելով 22 տարվա ազատազրկման:

Ինչպես «Արմենպրես»-ին տեղեկացրեց դատարանի նախագահ Գագիկ Հովհաննիսյանը՝ դատավճիռը հրապարակվելու պահից 7 օրվա ընթացքում այն կտրամադրվի կողմերին, որից հետո 1 ամսվա ընթացքում հնարավոր կլինի այն բողոքարկել:

Դատական նիստերը դռնփակ էին: Արման Ջանջուղազյանին մեղադրանք է առաջադրվել այն բանի համար, որ նա «Իսլամական պետություն» ահաբեկչական խմբավորման համակիր ներկայացած, քննությամբ դեռևս չպարզված անձանց օժանդակությամբ 2017թ.ապրիլի 22-ին, ժ.17:30-ի սահմաններում, կրոնական մոլեռանդության շարժառիթով ապօրինաբար կյանքից զրկելու դիտավորությամբ Գյումրի քաղաքի Դուդկոյի փողոցի 4 հասցեում տեղակայված «Արգո» վաճառատան մոտակայքում, ապօրինի կերպով կրելով քաղաքացիական շեղբավոր սառը զենք հանդիսացող դանակ, դրանով մի քանի անգամ հարվածել է Ռուսաստանի Դաշնության թիվ 102 ռազմակայանի զինծառայող Դմիտրի Յալպաևին և սպանել նրան:

Ըստ տեղեկությունների` Ջանջուղազյանը իսլամն ընդունել է Հունաստանում գտնվելու տարիներին և նախաքննությանն էլ ասել է, որ «Իսլամական պետության» համակիր է: Նրան մեղադրանք է առաջադրվել ազգային, ռասայական կամ կրոնական ատելության, կրոնական մոլեռանդության շարժառիթով կատարված սպանություն կատարելու և ապօրինի զենք կրելու համար։

Արմենուհի Մխոյան





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ