Ժամանակը Երևանում՝ 11:07:36,   24 Սեպտեմբեր

ՀԱՊԿ մամուլի խոսնակը գլխավոր քարտուղարի պաշտոնում Բելառուսի ներկայացուցչի թեկնածության մասին որևիցե տեղեկություն չունի

ՀԱՊԿ մամուլի խոսնակը գլխավոր քարտուղարի պաշտոնում Բելառուսի ներկայացուցչի 
թեկնածության մասին որևիցե տեղեկություն չունի

ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: ՀԱՊԿ մամուլի խոսնակ Վլադիմիր Զայնետդինովը որևէ տեղեկություն չունի ՀԱՊԿ գլխավոր քարտուղարի թափուր պաշտոնի համար Բելառուսի Անվտանգության խորհրդի քարտուղար Ստանիսլավ Զասի թեկնածության քննարկման վերաբերյալ: Այս մասին նա հայտնեց «Արմենպրես»-ի հետ զրույցում: Ավելի վաղ ռուսաստանյան «Կոմերսանտ»-ը գրել էր, որ քննարկվում է գլխավոր քարտուղարի պաշտոնում Ստանիսլավ Զասին նշանակելու հարցը:

«ՀԱՊԿ գլխավոր քարտուղարի նշանակման հարցը հնարավոր է դիտարկվի Աստանայում նոյեմբերի 8-ին կայանալիք Հավաքական անվտանգության խորհրդի նիստին»,-հավելեց նա:

Յուրի Խաչատուրովն ազատվել է Հավաքական անվտանգության պայմանագրի կազմակերպության գլխավոր քարտուղարի պաշտոնից նոյեմբերի 2-ին: Հավաքական անվտանգության պայմանագրի կազմակերպության գլխավոր քարտուղարի պարտականությունների կատարումը դրվել է կազմակերպության գլխավոր քարտուղարի տեղակալ Վալերի Սեմերիկովի վրա: 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]