ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Հույն երկու զինվորականները, որոնք մարտ ամսից բանտարկված Էին Թուրքիայում, վերադարձել են հայրենիք: Այդ մասին, ինչպես տեղեկացնում Է «Արմենպրես»-ը, հայտնել Է Աթենքի նորությունների գործակալությունը:

Զինվորականների հետեւից Էդեռնե իր ինքնաթիռն Էր ուղարկել Հունաստանի վարչապետ Ալեքսիս Ցիպրասը: Ինքնաթիռն ուշ գիշերին վայրԷջք Է կատարել Սալոնիկում, որտեղ զինվորականներին դիմավորել են ազգային պաշտպանության նախարար Պանոս Կամենոսը, բանակի Գլխավոր շտաբի պետ Ալկիվիադիս Ստեֆանիսը:

Հույն զինվորականներ Անգելոս Միտրետոդիսը եւ Դիմիտրիս Կուկլատզիսը 5,5 ամիս գտնվել են թուրքական բանտում: Նրանք ձերբակալվել Էին մարտի 1-ին, երբ Էվրոսի շրջանում պարեկման ժամանակ վատ եղանակի պատճառով սխալմամբ մտել Էին Թուրքիայի տարածք: Օգոստոսի 14-ին Էդիռնեի դատարանն ազատել Է նրանց:

Ցիպրասը հայտարարել Է, որ բանտից երկու հույն զինվորականների ազատումը «արդարության ակտ Է, որը կօգնի տարածաշրջանում ամրապնդելու բարեկամությունը, բարիդրացիությունը եւ կայունությունը»:

Զինվորականների ձերբակալումը վերջին ամիսներին ամենասուր խնդիրներից մեկն Էր Անկարայի եւ Աթենքի հարաբերություններում, հաղորդել Է ՌԻԱ Նովոստին: