1100-ից ավելի տնտեսագետներ են դիմել Թրամփին՝ ԱՄՆ-ի առեւտրական քաղաքականությունը վերանայելու խնդրանքով
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: 1144 տնտեսագետներ իրենց ստորագրություններն են դրել ԱՄՆ-ի նախագահ Դոնալդ Թրամփին ուղղված բաց նամակի տակ՝ Վաշինգտոնի ներկայիս առեւտրական քաղաքականության մեջ փոփոխություններ մտցնելու կոչով, տեղեկացնում Է «Արմենպրես»-ը:
«Մենք համոզված ենք, որ հովանավորական քաղաքականության խստացումը սխալ կլինի: Դա կհանգեցնի, ամբողջությամբ վերցված, գների աճի, ինչին կբախվեն մեր գնորդները»,- ասված Է նամակում, որի տեքստը հրապարակված Է ԱՄՆ-ի Հարկատուների ազգային միության կայքում:
Տնտեսագետներն ընդգծում են, որ հովանավորական քաղաքականությունը եւ ներմուծման սակագների բարձրացումը խիստ կհարվածի ԱՄՆ-ում ապրուստի արժեքի, գործարարության եւ արտահանողների վրա, որոնց նկատմամբ կկիրառվեն պատասխան միջոցներ: Նաեւ, փորձագետների կարծիքով՝ սակագների բարձրացումը բացասաբար կազդի Վաշինգտոնի միջազգային հարաբերությունների վրա, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում