Ֆրանսիայի Տրեբ քաղաքի սուպերմարկետի վրա հարձակված անձն սպանված Է
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Մարտի 23-ին Ֆրանսիայի Տրեբ քաղաքի սուպերմարկետում պատանդներ վերցրած մարդն սպանված Է: Այդ մասին, ինչպես տեղեկացնում Է «Արմենպրես»-ը, հայտնել Է քաղաքային վարչակազմի ղեկավարը:
Ֆրանսիական հեռուստատեսությունը հայտնել Է երկու զոհվածների եւ երկու վիրավորների մասին: Մոտավորապես քսան պատանդների հաջողվել Է դուրս գալ սուպերմարկետից: Ֆրանսիայի վարչապետ Էդուարդ Ֆիլիպը, որի խոսքը մեջբերել Է «Ասոշիեյթեդ պրես»-ը, հայտարարել Է, թե «ինչպես երեւում Է, գործ ունենք ահաբեկչական գործողության հետ»: Ֆրանսիայի ՆԳ նախարար Ժերար Կոլոնը իրադրությունը որակել Է լուրջ եւ հայտարարել, որ անհապաղ մեկնում Է Տրեբ:
Ավելի վաղ ֆրանսիական ԶԼՄ-ները հայտնել են, որ անհայտ անձը Տրեբ բնակավայրում գնդակոծել Է Ֆրանսիայի անվտանգության ուժերի ներկայացուցիչներին, իսկ այնուհետեւ պատանդներ վերցրել սուպերմարկետում: Ֆրանսիայի դատախազությունը գործ Է հարուցել հարձակման փաստով, որը որակվում Է որպես ահաբեկչական գրոհ, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում